Tuesday, October 07, 2014

एक मधेश एक प्रदेशको विकल्प

एक मधेश एक प्रदेशको विकल्प एक मधेस दो प्रदेश हो, आधा मधेस पाँच प्रदेश होइन। झापा, मोरंग, चितवन, कैलाली र कन्चनपुरलाई मधेशबाट झ्याप पार्ने षड्यंत्र भइराखेको छ। त्यो मधेशको आधा भूभाग झ्याप पार्ने षड्यंत्र हो। त्यो स्वीकार्य कुरा होइन।

बसाई सराइको क्रममा ती जिल्लामा मधेसीको तुलनामा पर्वतेहरुको संख्या ५० प्रतिशतसम्म पुगेको छ। त्यो सरकारी आंकड़ा हो। सेंससमा पनि भेदभाव हुने गरेको शिकायत त आफ्नो ठाउँमा छँदैछ। मधेशको कुनै जिल्लामा पर्वतेहरु ५०% पुग्दैमा त्यो जिल्लालाई मधेशबाट टुक्राउने सोंच राष्ट्रबादी सोंच होइन।

मधेशमा दुइ प्रदेश स्थापना भए दुबैमा मधेसी मुख्य मंत्री भैराख्ने "डर" हो भने सुर्खेत, मकवानपुर र उदयपुरलाई पनि मधेशका दुइ राज्यहरुमा मिसाउने हो।

पहाडका जनजातिलाई जातीय राज्य दिन्नम भन्ने, तराईका मधेसीलाई भौगोलिक राज्य दिन्नम भन्ने, पहाडका जनजातिलाई राज्यहरुको संख्या घटाऊ भन्ने, तराईका मधेसीलाई राज्यहरुको संख्या बढ़ाऊ भन्ने --- यो संघीयता नै नचाहनेहरुको बात विचार हो।

समग्र मधेश दो प्रदेशकालागि आन्दोलन गर्नुपर्ने हुनसक्छ।


No comments: