निष्प्रभावी बन्दै बालेन सरकारको नीति, एकपछि अर्को धक्का सरकारले ल्याएको आर्थिक वर्ष २०८३/०८४ को बजेटमार्फत स्वास्थ्य र शिक्षामा लगाएको समता करको चौतर्फी विरोध भयो । परिणामस्वरुप सरकारले त्यस्तो कर असुल्ने निर्णय फिर्ता लिएको छ । ............... सरकार गठन गरेकै भोलिपल्ट (चैत १४) गते पूर्वप्रधानमन्त्री केपी शर्मा ओली, पूर्वगृहमन्त्री रमेश लेखकलाई पक्राउ गरियो । यद्यपि उनीहरूलाई पक्राउ गर्नुको यथेस्ट प्रमाण नभेटिएको भन्दै सर्वोच्च अदालतले १३ दिनमै छाड्न आदेश दियो । ............... गत वर्ष भदौमा भएको जेनजी आन्दोलन दमन गर्न भूमिका खेलेको आरोपमा ओली र लेखकलाई गृहमन्त्री सुधन गुरुङको ठाडो आदेशमा प्रहरीले निवासबाट पक्राउ गरेको थियो । पूर्वप्रधानमन्त्री शेरबहादुर देउवा, उनकी श्रीमती तथा पूर्वपरराष्ट्रमन्त्री डा. आरजु राणा देउवाविरुद्ध सम्पत्ति शुद्धीकरणको मुद्दामा पक्राउ पुर्जी भयो । सर्वोच्च अदालतले देउवा दम्पतीलाई पक्राउ गर्ने प्रक्रिया नमिलेको ठहर गर्दै पक्राउ पुर्जी खारेज गर्यो । ............ उपचारको सिलसिलामा हङकङका रहेका देउवा दम्पती विरुद्ध प्रहरीले इन्टरपोल मार्फत रेड कर्नर नोटिस जारी गर्न निवेदन दियो । प्रहरीको निवेदन अनुसार देउवा दम्पतीविरुद्ध रेड कर्नर नोटिस जारी गर्न इन्टरपोलले अस्वीकार गर्यो । .............. सम्पत्ति शुद्धीकरणकै विषयमा पूर्वअर्थमन्त्री विष्णु पौडेल, पूर्वऊर्जामन्त्री दिपक खड्कालाई प्रहरीले पक्राउ गर्यो । उनीहरूविरुद्ध सरकारले यथेस्ट प्रमाण जुटाउन नसकेकाले अदालतकै आदेशमा रिहा भए । .............. यसैगरी विचौलिया दिपक भट्ट, काठमाडौँका पूर्वप्रमुख जिल्ला अधिकारी छविराज रिजाल, व्यापारी घराना शंकर ग्रुपका सञ्चालक शंकर अग्रवाल, व्यापारी सुलभ अग्रवाल लगायत पनि अदालतकै आदेशमा रिहा भए ।
................ बर्खाको बेला सुकुमबासीलाई बिचल्ली बनाएको भन्दै सरकारको चौतर्फी आलोचना भएको छ । पछिल्लो समय काठमाडौँको बुद्धनगरका आश्विन रावत, मुगुका गणेश नेपाली, सर्लाहीका विवेक मण्डल लगायतले आत्मदाह गरेको घटनाले बालेन सरकार थप अलोकप्रिय बनेको छ । ती घटनालाई विषयान्तर गर्नका लागि सञ्चारगृह, विपक्षी दलका नेताका घर अगाडि बाटो छेकेर विवादास्पद गाडी राखेको घटनाले सरकारको नीतिप्रति आक्रोश बढ्दै गएको देखिन्छ। ................... प्रधानमन्त्रीको सचिवालयले राहदानी छपाईको जिम्मा पाएको जर्मन कम्पनीको ठेक्का रद्द गरी पुरानै फ्रान्सेली कम्पनीलाई जिम्मा दिन लागिएको विषयमा प्रधानमन्त्री शाह र परराष्ट्रमन्त्री शिशिर खनालबिच सम्बन्ध चिसिएको चर्चा चल्यो । .............. यद्यपि रास्वपाका महामन्त्री विपिन कुमार आचार्यले सरकार सञ्चालनमा केही कमजोरी भए पनि पार्टी सभापति र प्रधानमन्त्रीबिच कुनै मतभेद नभएको जिकिर गरे। .............. ‘बाहिर सरकार र पार्टीबिच ठुलै मतभेद भएको जसरी प्रचार भएको छ, त्यस्तो केही भएको छैन । सरकार र पार्टी सञ्चालनको विषयमा सभापति र प्रधानमन्त्रीबिच निरन्तर छलफल भइरहेको छ । सरकार गठन भएको तीन/चार महिनामै ठुलो अपेक्षा राख्नु हुँदैन । केही कमजोरी भएको भए पार्टी र सरकारबिच आपसी छलफलमै समाधान निकाल्छौँ’, आचार्यले भने। ................. ‘वास्तवमा केही भएकै छैन । जे–जे सञ्चारमाध्यममा आएका हल्ला छन्, यी प्रायोजित हुन् । सरकार र पार्टीबिच सामञ्जस्यकारी भूमिका खेल्ने कुरामा सभापतिज्यू, प्रधानमन्त्रीज्यू र अन्य साथीहरू निरन्तर छलफलमै हुनुहुन्छ । हामी पनि छलफलमै छौँ । त्यसकारण यसमा जे–जे हल्ला आएका भए पनि सबै निराधार हुन्’, उनले भने।
नेपालको वर्तमान अर्थतन्त्र र ‘प्यारासुट’ अर्थमन्त्री देशमा २१ खर्ब २० अर्ब ८० करोड रुपैयाँ विप्रेषण (रेमिट्यान्स) भित्रिएको छ, जुन अघिल्लो वर्षको सोही अवधिको तुलनामा ३८.२ प्रतिशतले बढी हो। ........ नेपालको अर्थमन्त्री हुन तीनवटा गुण आवश्यक छ – पहिलो, अर्थतन्त्रको गहिरो ज्ञान, दोस्रो, देशको माटो, भूगोल र गरिबीको वास्तविक बुझाइ (धान, गहुँ, कोदो, तोरी चिन्न सक्ने), र तेस्रो, राजनीतिक सुझबुझ तथा कुशल नेतृत्व क्षमता। ....... तर, हामीमा एक प्रकारको भ्रम छ। विदेशमा पढेको वा राष्ट्रिय अन्तर्राष्ट्रिय संस्थामा काम गरेको अनुभवकै आधारमा विद्वान मानिएका व्यक्ति मात्रै व्यावहारिक रूपमा समेत सफल हुन्छन् भन्ने छैन भन्ने प्रमाण हामीले विगत र वर्तमानमा समेत देखिसकेका छौँ। ........ धरातल नचिन्ने व्यक्तिलाई जानुपर्ने ठाउँ त थाहा हुन्छ तर, गन्तव्यका अप्ठ्यारा थाहा हुँदैन। ........ यस्तै देशको आर्थिक सामाजिक अवस्था, परिस्थिति, अप्ठ्यारालाई सम्बोधन गर्ने क्षमता नभएका तर डिग्री र अन्तर्राष्ट्रिय संस्थामा काम गरेको अनुभव भएकै आधारमा हामीले विद्वान भनेर चिनिएका व्यक्ति नै देशको असफलताको मुख्य कारण हुन्। ....... यस्ता अर्थशास्त्रीको नेतृत्वका आधारमा देशले काँचुली फेर्छ भन्ने आशा गर्नु नै मूर्खतापूर्ण कुरा हो। ........ अहिलेका अर्थमन्त्री पनि त्योभन्दा भिन्न छैनन्। पछिल्लो समय उनले दिएका अभिव्यक्ति, बजेटमा गरिएका करका दरको विवादास्पद हेरफेर, भन्सार दरहरूमा भएको विवाद र विकासशील मुलुकमा स्तरोन्नति हुने प्रक्रियालाई पछि धकेल्ने प्रयास लगायतले उनी पनि भुइँको यथार्थबाट टाढा रहेको देखिन्छ। ...... (लेखक त्रिविमा प्राध्यापनरत अर्थशास्त्री हुन्)
नयाँ भनिएकाहरूमा पनि तानाशाहीको गन्ध आयो : रक्षा बम जेनजी आन्दोलनले नेपाली राजनीतिमा नयाँ बहस जन्मायो । सो आन्दोलनकी एक अभियन्ता रक्षा बम अहिले पनि सरकार र व्यवस्थामाथि निरन्तर प्रश्न उठाइरहेकी छन् । सरकार र व्यवस्थाप्रति उनका प्रश्न अझै पनि उत्तिकै धारिला छन् । ........ हामीले उठाएका मुद्दा- भ्रष्टाचारविरुद्धको लडाइँ र सुशासन एकै दिनमा वा तीन महिनामा टुङ्गिने विषय होइनन् । यो त निरन्तर चलिरहने प्रक्रिया हो । ‘मुभमेन्ट कन्टिन्युज’ भन्छन् नि, हो त्यस्तै हो । यो आन्दोलन सेलाएको होइन । यसले उठाएका मुद्दा अहिले पनि उत्तिकै सान्दर्भिक छन् र हामी त्यसका लागि निरन्तर आवाज उठाइरहेका छौँ । ......... कम्तीमा सरकारमा पनि हाम्रो प्रतिनिधित्व भयो । हामी सडकमा हुँदा उहाँहरूलाई झकझकाउने पहुँच त छ नि । कोही सडकमा, कोही सरकारमा हुँदा एक किसिमले सन्तुलन नै मिलेको छ । ........ डराएको होइन, राजनीतिक परिपक्वताको खोजी हो । यत्तिकै सदनमा गएर जनताको करको पैसाबाट तलब खाने, तर डेलिभरी दिन नसक्ने हो भने त्यसको के अर्थ ? म अपरिपक्व अवस्थामा त्यहाँ जान चाहिनँ । मेरो प्राथमिकता राजनीतिमा जाने वा पद पाउनेमात्र थिएन । तत्कालीन सङ्क्रमणकालीन अवस्थामा देशलाई निर्वाचनसम्म पुर्याउने र एउटा निकास दिने मुख्य जिम्मेवारी थियो । त्यसैले पदभन्दा बढी जिम्मेवारीमा केन्द्रित भएँ । ................ सुकुमबासीको मुद्दा होस् वा बाढी व्यवस्थापन, सरकारका केही गतिविधिमा तानाशाही प्रवृत्तिको झल्को देखियो । हामी जुन प्रवृत्तिविरुद्ध सडकमा गएका थियौँ, आज त्यही प्रवृत्ति दोहोरिँदा खबरदारी गर्नु हाम्रो कर्तव्य हो । .............. बालेन शाह वा रवि लामिछाने व्यक्तिप्रति मेरो कुनै रिस होइन, तर उहाँहरूको कार्यशैली र डेलिभरीमा प्रश्न छ । ............. मुख्य कुरा त हामीसँग स्रोत र साधनको कमी छ । भएका स्रोतको पनि समान वितरण छैन । अर्को कारण भ्रष्टाचार र कुशासन नै हो । बनाउँछु भनेर नेतृत्वमा पुग्नेहरू नै दोषी छन्, तर नागरिकको पनि जिम्मेवारी हुन्छ । देश नेताले मात्र बनाउने होइन, श्रमिकले श्रम गरेर, शिक्षकले पढाएर र व्यापारीले कर नछली देश बनाउने हो । नेतृत्वले त केवल सहजीकरण गरिदिने हो, जुन हाम्रोमा हुन सकेन । ................... सुदूरपश्चिम भौगोलिक विभेदको सिकार छ । हामीले पढ्ने बेला विद्यालयमा पाठ्यपुस्तक समयमै पुग्दैनथे । पार्टीका पर्चा किताबभन्दा छिटो पुग्थे, तर पाठ्यपुस्तक पुग्दैनथे । शिक्षा, स्वास्थ्य र रोजगारीको अवस्था नाजुक छ । सुदूरपश्चिम भन्नेबित्तिकै मान्छेहरूले ‘छाउपडी’ मात्र देख्छन्, तर काठमाडौँमा पनि ‘छाउरुम’ छ भन्ने बिर्सन्छन् । हाम्रो प्रदेशको विकास र यहाँका मुद्दामा केन्द्रित हुनुभन्दा पनि दलहरू सत्ता समीकरणमै व्यस्त छन् । सुदूरपश्चिमको अझै ओझेलमा रहेको प्राकृतिक सौन्दर्यलाई बाहिर ल्याउन र यहाँका मानिसको जीवनस्तर सुधार्न स्रोतको उचित बाँडफाँट जरुरी छ । .......... नयाँ आउनुभएका साथीहरूलाई मेरो सुझाव छ- पहिले देश बुझ्नुहोस्, त्यसपछि मात्र देश बनाउने प्रयास गर्नुहोस् । नेतृत्वमा बस्नेहरूमा संवेदनशीलता, करुणा र सहानुभूति हुनु अत्यन्त आवश्यक छ ।
‘देशमा कु भइसक्यो, संविधान बाहिरबाट आएको शक्तिले राज गर्दै छ’ प्रदेश सभा खारेज गर्ने प्रस्ताव, सुकुम्बासी बस्ती खाली गराउनु, गणेश नेपालीको आत्मदाह तथा विभिन्न खालका करबाट जनता वाक्कदिक्क छन् साथै सरकारको चौतर्फी आलोचना पनि भइरहेको छ । .......... फागुन २१ गते जुन चुनाव भयो, त्यो निकै जटिल परिस्थितिमा भएको हो । एक किसिमको भन्ने हो ‘कु’ नै भएको हो नि । जनताबाट निर्वाचित सत्ता शक्तिलाई अपदस्त गरी संविधान बाहिरबाट आएका शक्ति राज गरिरहेको छ । बाहिरीकै शक्तिकै आडमा चुनाव भएको थियो । शक्तिको केन्द्रको निगरानी र नियन्त्रणमा चुनावमा भयो । त्यसमा नेपालका सुरक्षा निकायको ठुलो भूमिका रह्यो । चुनावपछि जुन परिणाम आयो त्योे अप्रत्याशित थियो, अकल्पनीय थियो । तथापि जनताको नामबाट आएको हो । त्यसलाई स्वीकार गर्नै पर्यो । ........ विगतका आन्दोलनको सबभन्दा ठुलो उपलब्धि संघीयता र त्यसपछिको समावेशिता हो । तर वर्तमान सरकारले गरेका विभिन्न नियुक्ति हेर्नुस् कुनै पनि समावेशी छैन । मधेसी, दलित, आदिवासी जनजातिहरूको त नामोनिसाना छैन । अर्थात मुलुक फेरि एउटै जाति, एउटै भाषा, एउटै संस्कृति, एउटै भेषको आधिपत्य र प्रभुत्वमा फर्किन थालेको छ । यसले समावेशिता, संघीयता, गणतन्त्रलाई समाप्त पार्ने हो कि आशंका उत्पन्न भएको छ । ............ यतिबेला राजनीतिक दलहरू आत्मसमीक्षामा लागेका छन् । दलहरूका आफ्ना पनि कमीकमजोरी थिए यो दिन आउन । अर्को कुरा, चुनावबाट आएकाहरूको काम पनि हेरौँ भने प्रतीक्षामा पनि दलहरू देखिन्छन् । योभन्दा पनि खराब दिन आउने हो कि भन्ने दलहरूको अर्को चिन्ता पनि छ । यत्रो संघर्ष गरेर ल्याएको लोकतन्त्र पनि नरहने हो कि भन्ने चिन्तमा नेताहरू छन् । ............... शिक्षा र स्वास्थ्य निःशुल्क दिने भनी आएको सरकारले उल्टै स्वास्थ्य र शिक्षा कर थपेको छ । ........... अहिलेकै सरकारको बेलामा बीवाईडीमा गडबड भयो । त्यसबारे सरकारले छानबिन गर्न पनि उचित ठानेन । मन्त्री तथा सांसदहरूको अकुत सम्मत्ति देखिएको छ । त्यो कहाँबाट कसरी आयो । त्यो पनि छानबिनमा जाँदैन । यस्ता धेरै कुरा छन्, जसलाई वर्तमान सरकारले ढाकाछोप गरिरहेको छ । ............. पूर्वसांसद, मन्त्री तथा उच्च तहका व्यक्तिको सम्पत्ति छानबिन गर्ने तर अहिलेको सांसद र मन्त्रीको नगर्ने यो भनेको ढाकाछोप नै हो नि, होइन ? त्यसैले सुशासन सबैका लागि हुनुपर्छ । ............. जनताले सधैँ सही निर्णय गर्छ भन्ने हुँदैन । मास (जनता) लाई धेरै तरिकाले प्रभावित पारेर निर्णय आफ्नो पक्षमा पार्न सकिन्छ । मासलाई सबभन्दा बढी प्रभाव पार्ने अहिले मोबाइलले हो । मोबाइल अल्गोरिदम, डिजिटल मिडियाले मान्छेलाई दिमाग भुटेको छ । त्यसको प्रभावमा परेर गरेको निर्णय कस्तो हुन्छ ? फेरि जनता बसेर निर्णय गर्या पनि हुँदैन । .............. सिंहदरबार कसले जलायो ? जलाउने बेला को का थिए त्यहाँ ? अदृश्य शक्ति त ठुलै छ । टीओबी लेखेको देख्नुभएको होइन ? टीओबी भनेको के हो ? तिब्बतियन ओरिजिनल ब्लड । अनि त्यो नेपाली हो त ? बाहिरकै भयो नि । ती मात्रै छन् कि त्यसको पछाडि अरू पनि थिए, त्यो बुझ्नुपर्ने कुरा हो । त्यो देखिने त्यस्तो थियो भने नदेखिने कस्तो होला अनुमान गर्नुस् त । अनि त्यो चलखेल नै हो नि होइन । त्यो चलखेल कन्टिन्यु छ । अहिले झन् सशख्त भएर आएको छ । ............. पुराना दलले देश त जोगाएर ल्याएको हो नि । सिंहदरबार त जोगाएकै थियो । सर्वोच्च त जोगाएकै थियो । नागरिकको सम्पत्ति त जोगाइदिएकै थियो । पुराना दलले त्यसलाई जोगाएको थियो, तर नयाँ बन्नेहरूले त्यसलाई जलायो । .............. ठुला घटना गर्न ठुलै तयारी हुन्छ । र लामो समयदेखि तयारी गर्नुपर्ने हुन्छ । मदन भण्डारीको हत्या राजनीतिक नै हो, एक दिनमा भएको होइन । नारायणहिटीको राजा वीरेन्द्रको वंशनाश भयो, त्यसै भएको होइन, त्यो पनि रहस्यमय छ । र सिंहदरबार जल्ने पनि रहस्यमय छ । मदन भण्डारीको हत्या, वीरेन्द्रको परिवारको वंशनाश भयो । त्यो अचानाक भएको होइन । सिंहदरबार, सर्वोच्च अदालत जले, त्यो अचानक भएको होइन । ............... बहुदलीय व्यवस्थाको ३४ वर्षमा ३० पटक सरकार बन्यो । एक पटक त १० वर्षमा १४ वटा सरकार बने । दलहरूले राजनीतिक स्थिरता दिन नसक्नु दलहरूको ठुलो कमजोरी थियो, त्यसैका फाइदाहरू अरूले उठाए । त्यही भएर भदौ २३ र २४ को आन्दोलन भयो र अहिलेको परिवर्तन भयो । ............... रास्वपाले त प्रदेश खारेजीको प्रस्ताव पछि ल्याएको हो । कांग्रेस कम्युनिस्टले त प्रस्ताव नै नल्याई संघीयतालाई कमजोर बनाएका हुन् । ती दलहरूले कमजोर र अस्पष्ट संघीय प्रणाली संविधानमा लेखे । ............... हामीमाथि गोली वर्षाएर कमजोर खालेको समावेशिता, कमजोर खालको र अस्पष्ट संघीय गणतन्त्र ल्याउने काम भयो । यो काम कांग्रेस, कम्युनिस्टले गरेका हुन् । प्रदेशहरूलाई कमजोर पार्ने काम कांग्रेस, कम्युनिस्टले गरेका हुन् । .............. संविधान घोषणा भइसकेपछि पनि त १० वर्ष कांग्रेस कम्युनिस्टकै सरकार रह्यो । तर संघीयता कार्यान्वयन हुन दिएन, प्रहरी समायोजन हुन दिएन, संघले कानुन पनि बनाएन । त्यसकारणले कांग्रेस, कम्युनिस्ट पनि संघीयता समाप्त गर्न चाहन्छ, रास्वपा पनि संघीयता समाप्त गर्न चाहन्छ । ............... शासक वर्ग एउटै हुन् । कांग्रेस, कम्युनिस्ट, रास्वपा नाम मात्रै फरक हो । चरित्र एउटै हो । त्यसको अनुहार सम्झिनुस् त, वर्ग सम्झिनुस् त, विचार सम्झिनुस् त एउटै हो । रास्वपाले आज प्रदेश सभा खारेज गर्ने घोषणा गर्यो, कांग्रेस, कम्युनिस्टले त सुरुदेखि नै प्रदेश सभालाई कमजोर बनाउने काम गरे । संघीयता बालियो बनाउनुपर्छ भनी कांग्रेस र कम्युनिस्टहरूले बोलिराख्या छैनन् । .................... प्रदेश सभा बिनाको संघीय प्रणाली नै हुँदैन । संघीय प्रणालीमा प्रदेश सभा बलियो र प्रदेश सरकार बलियो भएको चाहिन्छ । .............. जनतालाई सोसल मिडियाबाट अल्गोरिदमको नशा लगाएको छ । त्यसलाई कन्ट्रोल अफ माइन्ड भन्छ, त्यो अन्तर्राष्ट्रिय साम्राज्यवादहरूको एउटा ठुलो ताकत हो अल्गोरिदम । त्यसको प्रयोगबाट यहाँ जनता यहाँका बौद्धिक वर्ग र नेताहरूलाई कन्ट्रोल गर्या हुन्छ । त्यसको प्रभाव केही समय रहन्छ । जोजो त्यसको प्रभाव कम हुँदै जान्छ, जनता फर्किँदै जान्छ । जनता भनेको ‘जिन्दा कौम’ हो । उसमा धैर्यता लामो हुँदैन । जनता विस्तारै जाग्दैछन् । त्यसका लागि हामीले काम गरिरहेका छौं । ............ कांग्रेस, एमाले, माओवादीहरू अहिले पनि सुध्रिएको छैन । उहाँहरू अझै भ्रममा हुनुहुन्छ । अहिलेको सरकार जाला, अनि फेरि पालो हाम्रै आउँछ त्यो भ्रममा उहाँहरू बस्नुभएको छ । विगतमा भएका कमीकमजोरीबाट सिक्ने र गल्तीलाई सुधार गर्ने चेष्टा गरेको मैले देखेको छैन । अब जनताले कांग्रेस कम्युनिस्टबाट आशा गर्न पनि छोडिसके । ..... हामी अहिल्यै यो सत्ता पल्टाइहाल्नुपर्छ भन्ने पक्षमा छैनौँ । सरकारले राम्रो काम गरोस्, गर्ने अवसर दिनुपर्छ भन्ने पक्षमा छौँ । सरकारलाई अझै पनि काम गर्ने वातावरण, काम गर्ने अवसर र हुने सहयोग साथ दिनुपर्छ, ताकि सरकारले राम्रो काम गरोस् । तर सरकारले त्यसो भनिरहँदाखेरि जनता उत्पीडित भइराख्ने र जनताका समस्याहरूको सुनुवाइ भएन भने हामी जनताका साथमा उभिनुपर्छ ।
the hardest part of fundraising isn't hearing no.
— Vee (@vahidf24) July 21, 2026
it’s figuring out whether the no means:
wrong investor, wrong timing, or something genuinely broken in the business.
most founders treat all three as the same signal.
I just got an investor update from a nuclear reactor startup that measures their LOIs in gigawatts. That's a new one.
— Paul Graham (@paulg) July 21, 2026
#Argentina is the BJP of football.
— Sanjay Jha (@JhaSanjay) July 21, 2026
It has divided and polarized the football world.
The real reason I learned by working inside Microsoft.
— Robert Scoble (@Scobleizer) July 21, 2026
Too many committees and meetings serving too many constituents.
Makes the smartest slow, at minimum, and stupid, at worst.
Sarah @saranormous is right on here.
A small team can out innovate a big one.
One entrepreneur… https://t.co/ZFjTnwtFvE
39 days. 104 matches. 6.8 million spectators. One mission: keep the American people safe.
— FBI Director Kash Patel (@FBIDirectorKash) July 20, 2026
The FBI worked around the clock with federal, state, local and international partners to secure the largest sporting event in history. Together, law enforcement shared intelligence,… pic.twitter.com/IJZ9Ea55tG
East and West - The Normal
— Damon Zumbroegel (@DamonZumbroegel) July 21, 2026
Here in Kathmandu it’s the details of Life that interest me most. How do people Live? What are the daily rhythms, and how does the architecture play a role in it all? It’s the normal everyday details that give me insights into the past and present.… pic.twitter.com/3xlQNYycKF
I'm convinced that real success is often quiet. It's spending less than you make. Driving the simple car. Wearing what you like. Loving the same person forever. Showing up for friends. Avoiding drama. Doing hard things. Real success doesn't shout. Quiet is seriously underrated.
— Sahil Bloom (@SahilBloom) July 21, 2026
के चीनले विद्युतीय सवारीसाधनमा झैँ रोबोट्याक्सीमा पनि विश्वबजार कब्जा गर्ला ? चीनका स्वचालित ड्राइभिङ कम्पनीहरूसँग एउटा ठुलो प्रतिस्पर्धात्मक फाइदा छ । यो भनेको त्यहाँको औद्योगिक संरचना हो, जसले चीनलाई विश्वकै सबैभन्दा ठुलो विद्युतीय सवारीसाधनको बजार बनाएको थियो । ........ टेस्लाले आफ्ना अधिकांश प्रविधि आफैँ विकास गर्छ भने चीनको स्वचालित सवारी उद्योग विभिन्न कम्पनीको सहकार्यमा आधारित छ । बीवाईडी, चेरी, जिली र एसएआईसी जस्ता कम्पनीले गाडी निर्माण गर्छन् भने अन्य विशेषज्ञ कम्पनीहरूले आवश्यक सफ्टवेयर विकास गर्छन् । ......... ब्रुकिङ्स इन्स्टिच्युटका विदेश नीति अनुसन्धानकर्ता काइल च्यान भन्छन्, ‘चीनको ईभी उद्योगमा देखिएको नवप्रवर्तन र अनुकूलनको गति अहिले विश्वका अन्य कुनै देशमा देखिँदैन ।’ .......... उनका अनुसार चीनको ईभी क्षमता त्यतिमै सीमित छैन । यसले ब्याट्री, मोटर, एआई र अन्य सम्बन्धित प्रविधिसँग जोडिएका उद्योगहरूलाई पनि एकअर्कासँग जोडेर सबल बनाइरहेको छ । .......... वी–राइडकी प्रमुख मार्केटिङ अधिकृत मेभ झाङ भन्छिन्, ‘चीनको ट्राफिक वातावरण निकै जटिल छ ।’ ........ उनका अनुसार यस्ता विविध सडक अवस्थाले अत्यधिक मात्रामा डेटा उत्पादन गर्छ, जसले सफ्टवेयरलाई अझ बुद्धिमान बनाउन मद्दत पुर्याउँछ । ........ टुले भने, ‘यदि रोबोट्याक्सीको भाडा सामान्य उबरभन्दा बराबर वा अझ सस्तो बनाउन सकियो भने यसले धेरै मानिसलाई सहज आवागमनको अवसर दिनेछ । विशेष गरी वृद्धवृद्धा र अपाङ्गता भएका व्यक्तिहरूका लागि यो निकै उपयोगी हुनेछ ।’ ............ तर सुरक्षा अझै सबैभन्दा ठुलो चिन्ताको विषय बनेको छ । यसै वर्ष बाइडुको अपोलो गो सेवामा सफ्टवेयर समस्या आएपछि वुहानमा करिब १०० वटा रोबोट्याक्सी बिचबाटोमै रोकिएका थिए । ........... केही यात्रुले ढोका स्वचालित रूपमा लक भएकाले गाडीबाट बाहिर निस्कन नसकेको बताएका थिए । यो घटनापछि केही सातासम्म सेवा स्थगित गरिएको थियो । यद्यपि बाइडुले यस वर्षको अन्त्यसम्म बेलायतमा सेवा सुरु गर्ने योजना यथावत् रहेको जनाएको छ । .............. यी सबै चुनौतीका बाबजुद वीराइडकी मेभ झाङ नियामक निकायहरू क्रमशः स्वचालित सवारीप्रति सकारात्मक हुँदै गएको बताउँछिन् । ‘हामी चीनमात्रै होइन, अन्य अन्तर्राष्ट्रिय बजारका सरकारहरूबाट पनि निकै सकारात्मक नीति र नियमहरू आउँदै गरेको देखिरहेका छौँ ।’ ........ ब्रुकिङ्सका काइल च्यानका अनुसार रोबोट्याक्सी केवल नयाँ यातायात सेवामात्र होइन । उनका शब्दमा, ‘चीन एआईद्वारा सञ्चालित, डिजिटल रूपमा आपसमा जोडिएको उच्च प्रविधियुक्त अर्थतन्त्र निर्माण गर्न चाहन्छ । यसको आधार भनेको अहिलेको ब्याट्री, विद्युतीय सवारी, मोटर तथा सम्बन्धित प्रविधिमा रहेको उसको बलियो पकड हो ।’
