सानो मधेसी मोर्चा र ठुलो मधेसी मोर्चा किन मिल्न नहुने?

सानो मधेसी मोर्चा र ठुलो मधेसी मोर्चा किन मिल्न नहुने? अहिले जनताले अधिकतम र अंतिम त्याग सम्म गरिरहेको बेला नेता ले राजनीतिक गृहकार्य मा कन्जुस्याइ गर्नु हुन्न। आंदोलन लाई थप उर्जा प्रदान गर्ने एक र हरेक कदम लिनुपर्छ।

मधेसी मोर्चा: १० दल

केही हप्तामा मधेस आंदोलन को winter break समाप्त हुन्छ र अंतिम र निर्णायक धक्का फेज मा जानुपर्ने हुन्छ। त्यसका लागि दुई मधेसी मोर्चा लाई एक पार्ने मात्र होइन काँग्रेस कम्निष्ट लाई पनि तराई काँग्रेस र तराई कम्निष्ट पार्टी खोल भनेर भन्नु पर्ने छ।

उपेन्द्र लाई होला, शरद सिंह र फोरम गणतांत्रिक ले मेरो पार्टी फोडेर गए। उपेन्द्र ले पनि पहिला एमाले र पछि माओवादी छोडेर गएका हुन। अहिले बाबुराम सँग राम्रै छ त। यहाँ सम्म कि बाबुराम सँग पार्टी एकीकरण सम्म को हल्ला छ। राजेन्द्र लाई छ अनिल ले पार्टी फोड्यो। राजेन्द्र ले पनि त सद्भावना पार्टी फ़ोड़ेका हुन।

प्रश्न एउटा मात्र छ। एजेंडा मिल्छ कि मिल्दैन र सानो मोर्चा सँग जनाधार छ कि छैन। सानो मधेसी मोर्चा ले एक मधेस तीन प्रदेस भनेको छैन। एजेंडा फोटोकॉपी मिल्छ। सेम टु सेम। जनाधार ठुलो मोर्चा जतिको छैन तर छ। दौडाहामा छन। शहर शहर मा आम सभा गर्दै हिडेका छन। २०४६ मा एजेंडा ठ्याक्कै नमिल्ने काँग्रेस र वाम मोर्चा एक बुँदे मा मिल्न सक्ने तर ठुलो मधेसी मोर्चा र सानो मधेसी मोर्चा फोटोकॉपी सेम टु सेम भएर पनि एक ठाउँ आउन नसक्नु ले मधेस आंदोलन लाई अनावश्यक रुपमा कमजोर बनाएको छ। यो न चुनावी तालमेल हो न केही। मधेस आंदोलन को विजय उद्घोष अगाडि चुनाव को त कुरै हुँदैन। न बाबुराम सँग न कोही सँग। बरु दुई मधेसी मोर्चा लाई एक बनाए त्यस मध्ये केही घटक हरु बीच अंततः पार्टी एकीकरण हुने संभावना हुन्छ।

Nothing to lose, everything to gain को अवस्था छ। मधेसी मोर्चा का चार नेता ले एक ले अर्को लाई नेता नमान्ने व्यवहार ले गर्दा नै यस्तो जाबो सानो टैक्टिकल कदम लिन नसकेका हुन। जनता सँग त्याग माग्ने, आफु जाबो सानो गृहकार्य गर्न नसक्ने?

मलाई साँच्चै सोधन मन लागेको --- सानो मधेसी मोर्चा का चार पार्टी बीच एकीकरण किन नगरेको?



Comments